返來喇~~

今年又可以大伙兒去 Krabi爬石，認真開心。

可能今年我地早了點出發，在4月29日已經到了Krabi，天氣超好，陽光普照，萬里無雲！

我地把握機會到 Krabi後第三天早上就去爬multi，我，瑪利亞同易拎姐屬team 2，總共有3 team人，由早上9點半出發，到下晝5點各隊隊員全體抵達終點，到返地面時已經傍晚六點幾，勁好玩！

今年目標是去on-sight 6c線，玩吓d 7仔線！

頭一日主要係熱身，不過都係 Diamond Cave on-sight咗條6c，爬咗幾條6b~~

第二日全天候爬multi，最高grading 都有6b+，第二個pitch同最尾個pitch超驚，係咁爆粗，xyz^$#!….

第三日再戰 Lion King 6c+，冇力而且已經唔記得咗點過 crux位，跌watt！

第四日rest day 陪samy 爬 Tidal Ware 7b+，佢差不多搞掂條線，快嫁喇，教練你一定得！

第五日，又爬過，不過開始落雨，影響心情，但仍然要搞線，玩吓6c+，去咗Muai Thai 玩隻雞頭，但真係超難，連起步都有困難，千辛萬苦才入咗頭一個扣，夾硬坐咗上個雞頭休息，點知又輪到了下一個crux，右手手指hold 加左手pinch，仲要踩高右腳點點hold，而且要有強勁body tension，伸盡右手踏棕乳頂！真係“頂”！我都係未夠班，玩唔到呢吓~~

第六天，我開始回勇，係 One Two Three on-sight 條6c Lady Boy，不過俾蜜蜂叮咗一野！之後去咗Fire Wall 玩 Fire Starter，超力，過咗一半到crux位又唔記得點爬。Samy 話直上，但係face面，叫我點好？我偷雞走側向左邊爬，事關果度有大手抽加平台可以任企唔嬲，但休息完點都要過crux，我有自己一套，幾經練習終過爬到上頂！一定要報仇~~

最後一天，狀態繼續大勇，早上去 Tyrolean Wall 搞番上年fall咗既6c+ Kuahtittnseppl。第一次用盡全身所有氣力過咗crux位後fall咗，但感覺是可以lead到的，所以休息一陣再上牆，嘩！有晒planning，easy job~~

之後去番Fire Wall 搞埋條 Fire Starter，今次自己覺得爬頭半部分好鬼有型，有做move，做側身嫁！過做crux前照舊在平台仔休息夠才過上面crux。

第一次過時，發覺唔多妥，摩住個淺淺手指hold唔敢上腳喎，唔上唔落，又唔想fall，因為條線超力，應該冇力再爬多次。好在千鈞一髮間，右手捉到個手抽，慢慢爬番落去平台仔再休息。

第二次再上，今次突然俾我用右手食指同中指jim咗入一條石隙中，之後成個人貼住幅牆，推身上左手踏上面大手hold。但因為我都花了不少氣力才發現jim手hold，所以我決定唔心急過crux，再落番平台。

第三次jim好手指踩高右腳，推身揮左手一踏，大叫好彩，俾我攞到上面hold，嘩，又一次超驚，攞唔到就fall，最終都平安red到呢條6c+~~

爬完之後到 Tonsai 玩 Tidal Ware，今次 Samy 從旁教路，最後都俾我A咗上頂，勁呀，7b+，出年我一定要搞掂你~~

輪到 Samy 爬，嘩，勁呀！佢今次動作超靚又順暢，完全係輕鬆 lead 咗上頂，教練請食飯，萬歲~~