~~從前傻頭小子，現已大個更深近視.....~~

回憶當初，我第一次接觸運動攀登是在2003年10月31日......

當天，我和廿個跆拳朋友仔在KPCC玩爬石Fun Day，慶祝朋友生日及搞個萬聖節派對。 當時，我未能爬到18米頂，也不覺得爬石有咩好玩，因為當時的我，仍然是一個跆拳人，熱愛跆拳，打打殺殺......

及後，因為瑪利亞話無理由爬唔到上頂！所以提議去上KPCC個elemantary course。我睇吓章程，嘩！成$720咁貴，真係唔捨得；但佢叫到，咪同佢玩吓囉！

2003年12月6日(星期六) 我首次在KPCC 上堂。不過，上完六堂之後，因為都唔知去邊樹玩，就掉低咗一輪。一直到4月份尖咀Y記搞咗個比賽，我又搵埋幾個Elementary朋友仔一齊報名，事關$40玩一個下晝，抵呀~~

原來每名比賽選手都會獲得半個月monthly pass，就從那時開始，我就一直 keep住爬石，可能因為我貪便宜啦....he he

之後，在尖咀Y記玩番d比賽線，原來只要你肯花時間，就可以見到成績！慢慢地我可以完成晒啲比賽線......

有了滿足感後，人自然想玩得好 d，所以一個月又一個月地在Y記練習，期間認識了很多爬石朋友，Peter，舜舜，Vincent等

之後我哋又從internet搵到健域之友會，認識了Mike蛇，大石！健域有度好，就係冇會員制，只要你想玩爬石，就可以去佢地度試吓，$30包齊全套爬石裝備，仲有專業教練，點會唔去玩吖！而且當時除了去尖咀Y記外，我地又未有二級証，唔跟健域就無得出外玩！

爬爬吓，發現大夥兒都想改善爬石技巧，所以我又組隊，在2004年5月5日報讀了KPCC technique improvement course。今次我哋誠邀 YMCA KPCC 運動攀登總教練 Samy出山教我哋。於是，我地又再次返回 KPCC......第一個感覺，好高！

經過Samy專業指導下，我地對爬石加深了解，但爬石始終要自己爬，才能理解教練所講既技巧。 其實我哋已經不知不覺間愛死了這種運動，每個月我都會出一個climbing schedule俾自己，安排一吓爬石日子，有時候去吓尖咀Y記，有時候去健域，有時候去boulder場......

2004年7月25日，我哋第一次跟Samy去東龍島，第一次爬天然石，感覺完全不同！

在尖咀Y記練習都有一段日子，覺得自己可以有能力去學二級攀登，思前想後，我地都係跟健域上堂。其實，主要都係因為證書問題，他們可以出到MU証，第時可以自己book場。其間又認識了杰sir同文sir，他們教學十分之用心，我們獲益良多，雖然貴d，但物有所值！

2004年10月27日，我又再次踏足KPCC，當日我做了assessment，從這天開始 KP是我家，一星期至少玩三晚！ 那時開始，由齋lead雜色線到玩grading線，期間又跟了Samy去爬石聖地Krabi十天。除了天氣差，十日有九日落雨之外，那次旅程，十分掂，可以和一班爬石狂人一起在Krabi爬爬石！

由 6a，6a+，6b，6b+，6c，6c+，top完就 lead，這個過程足足有一年。 昨晚，2005年10月31日，小弟終於成功首次在KP lead 到一條7a+，仲要有總教練在場，我身為他其中一位學生，可以在他面前俾到少少成績佢老人家睇，真的是一種光榮。始終由 6字頭跳上7字頭，我自己著實開心，因為我真的用心去爬，是嗎！

雖然佢串串地話我唔出山爬，但我都好開心，我會排吓schedule出多啲山，始終，我哋出山經驗少，如果可以和一些高手爬就放心d啦~~

我會繼續練習，多些請教各教練，一齊爬石，學吓嘢！希望可以改善現時很多不足地方，特別是做腳同耐力等... 我知道爬到一條7a+唔代表你有能力 on sight lead 到一條6b或者6c，所以我要試多d唔同類型線道，我出 ceiling比較弱！

7a+ 哈哈....

石磨男