東龍島快閃黨

rap
~~ 我地、我地、我地係….東聾快閃黨，鍾意快爬快閃hea到死，好天就爬，落雨就閃，我閃，我閃，閃閃閃~~

前排成鬼日落雨，搞到直至上星期日先有mood 入東龍，amy 又一次咋咋啼啼話條頸整親唔同我地去東龍爬石，算數，我仲有大把朋友仔陪我~~

我地都預咗當天應該會有好多人入去爬石，所以我地一早就抱著一個hea 心情，無慾無求，諗住晒吓太陽，爬一兩轉已經夠皮，但係估唔到會........

當我地去到假日士多時，已經見到眾多高手食緊早餐，好多人呀！但我地落到石場後發現又唔係想像中咁旺喎，10個左右啦。Hea 咗一輪，lead咗了大ceiling，又係on-sight feel，不過今次無係ceiling底fall，okay啦~~

之後我都無爬到，睇吓高手爬石，勁呀佢地~~

差不多點半鐘，天色突然轉壞，仲開始打雷閃電夾落雨，我地一行5人以賽車入pit換胎既速度收拾所有行李“閃”，速逃石場。

我地諗住快快去到碼頭附近小食店食個餐旦面，點知行吓又行吓，未行到餐廳在山上已經見到海珊瑚號泊咗岸，我立即叫peter 同elaine 截住隻船，二人即刻飛奔落山，但二人起步之時，我在山上已經見到船上肥仔眾向我地揮手，而條船亦都駛離碼頭！

Elaine姐以佢獨有美色同peter既狂叫，最終迫使船家駛回碼頭接我地回三家村。之後，我地又雞咁腳返回kp洗白白，未夠4點已經現身於黃埔買定飛等睇“死亡筆記”。

套戲掂呀，坐咗兩句鐘都未完，又有下集，要到11月先有得睇lu~~
條片美中不足地方就係啲人扮心臟病發時好假囉！
睇完戲梗係去食大餐啦，我地今次去了“頂太瘋”食佢地至“出名”小龍飽！果然名不虛傳→唔掂檔 >_<