風和日麗東龍行

剛過去的星期日我去了東龍島爬石，那天真適合遠足，晴天有充足陽光，有涼風唔熱！

都有成大半年至一年沒有入東龍島爬石，我當然是跟著 samy 教練啦，
早上輕裝上步，一條人開著兩門小跑隨心地去到三家村碼頭，泊好車還有15分鐘才開船，
碼頭內只見大部份都是郊遊人士、龍友，返而入島爬石既朋友就只見一人，
可能爬石人喜愛準時，要搭正11時才現身，samy 身邊更係多美女侍候！

有一則奇聞關於 amy，她能在15分鐘內由將軍澳前往三家村碼頭趕及登船，唔怪得成哥d 樓咁好賣啦！

入到島小過便就殺入technical wall，早餐都慳番！
熱身內con，6c+，次次都係on-sight feel，但今次有態，唔覺得吃食，在好的手點上作出小休，但完成後雙手都有pump pump 地感覺，始終呢條係耐力線道！

之後 samy 替我掛扣爬 Dimple Face (7b+)，第一次作 leading 嘗試，之前爬過數次均是toprope，而且是無一次可以完攀，但唔知何來的動力，今次竟然會二話不說便lead，可能因為某些特別原因吧，我不可以再等留在現階段，人生有了目標就要衝著幹！

休息了一會便開始爬，照例爬到panhouse時坐底儲力，之後就係一連串直牆細hold，我已往就是死在這裡，總覺得手點太小，手指不夠力去捉緊，但今次竟然俾我一 take 過左，而且是輕鬆的，手點突然變得好揸，可能係boulder關係吧~~

又經過第二輪連續細holds 及入黎最後一隻快扣，左手hold住一隻踏踏，右手是一個三指淺hold 成正方形，腳點超小，之後是locking 上右手踏12點位置另一隻踏踏hold！
開初講過，我未曾試過完攀整條線，即係話我未掂過呢個位置，完全唔知道正確手點位置，加上成個人已經lock 起左，左手個hold 超爛，最後tension，抖一抖後終於dot 埋上頂找到最後手點！

可能由於耗盡真氣，就算爬多兩劑亦未能成功，只好留待本星期日再戰....