凱旋歸來

剛去完 Petzl RocTrip，雖然在3天爬石日子裡只爬了6條半線道，但也覺值得一去！
首天最勤力爬左3條，ON-sight 6a、6c & 7a。
次天開始跌watt，只爬了2條半，on-sight左一條6c，tension 左一條7a，同一條8b但玩左兩隻快扣就fall~~
最後一天搞左條40m長既6b，堅足40m，因為我條80m 繩已用盡了。

在行程中遇見過到很多外國高手，不過只認識 chris sharma、dave graham 和 steve mcclure，都只怪自己認識的外國爬石人少，由其是係女仔，一個都唔識得。不過可以同超級巨星合照，感覺超爽及難得既機會~~









貴州呢個新開發爬石區都值得再去，但由於石場與住宿地方距離都幾遠，如果截唔到順風車or 的士，就起碼行你45分鐘至1小時，對我呢種點到點既攀石人就係一種極大磨練。我今次爬的線道多數都係大手hold，不過長，pump死！下次再試其他，聽講7以上d難線d hold 超冼，不過普遍線道較長！

今次我地有機會住下民宿，仲要係布衣族原居民既屋企，我地住2樓，屋主一家住地下，但咁多日來只見到d 女人+ 細路仔，冇見過阿爸阿叔之類物體係間屋出現，唔通我地去了女兒國？所有原居民都好 LIKE 屎，行過會對我地笑、講早晨，地方尚算清潔，可能係當地政府大力支持關係。

我們住的房間只有三張單人床﹝算大張，我和maria 瞓一張，elaine 瞓一張，中間果張用來攤晒d行李衫褲等雜物。另外，房內亦有一張矮枱，天花有一盞時著時熄的燈胆。2樓有一個有共用既一格廁所，廁所當然係冇馬桶冇得坐住黎拉屎、冇自動沖屎﹝屎屎全面睇﹞，冇門﹝只有一幅布簾，仲會有人衝入廁格玩快閃，死未....﹞，最後係冇燈，晚上要摩黑拉屎....
但我地興幸搵到大姐出租呢間房俾我地三個城市人，相比起要住小學床位or紮營好過千倍萬倍，感謝全能既天父....阿門！

希望下次能夠再約多些人一齊去貴州呢樹地方爬石，到時就會盡量ON-SIGHT 多D 線。