實力接近

上星期六，我、阿華和澳門兩位朋友仔(馬騮，理奧)一齊參加黃何盃。
一去到朱場就發現有d唔對路，點解隔離區變咗兒童樂園？好多幾歲大細路仔，年紀最大都應該係得幾個初中生，相對我三張幾嘢既中坑，實在有點難為情~~

我地四人參加新秀組，全組得十人，除了我們外其餘都應該係黃師傅d徒弟仔。
初賽得三條線，搞錯呀咁少，唔夠喉~~

可能係唔係真正公開比賽，所以新秀組d線真係俾新仔玩！事關我三條都top到，真係前所未有。而其他朋友仔都好利害，差少少就top晒。

幸運的我和理奧進入了決賽，同樣有三條線，就係挑戰組既初賽線，由於我地玩前，所以基本上已經睇晒前人點爬，除了其中一條比較難之外，其實兩條我和理奧都on-sight咗。

基於比賽規則，我就咁成為黃何盃冬季抱石賽新秀組冠軍~~

出年進級玩挑戰組先！