香港運動攀登公開賽 (18.07.04)

7月18日 陽光普照

今次又係參加男子體驗組，total有26人，但有3-4人無到，大約8:30我地出去觀線，發現條線俾上次係順利村時易好多，一條直線係咁向上又多大holds，其間不停有參賽者話條線勁易爬，我心諗，條線睇落真係ok容易，但個人而言仲未有信心講到出口，所以只係默默咁向上望。

大會規定16人可以進入決賽，條線咁易，如果去唔上到頂或接近最高果一、兩塊板，都幾難入到下午決賽！



我係612號仔。因為有了上次比賽經驗，今次我爬得好慢，同好小心驚死踏錯hold，但比賽始終是比賽，當我捉住第一個hold開始，心裡已經超級之緊張，所以我當時既動作是非常之生硬，而且生怕踏錯hold所以大多數雙腳只踏著feature，又會時不時停下來直手休息，很不順暢！ 當我幾曾辛苦上到去第7、8塊時，發覺出錯手，原本應該用右手上，但遍遍用了左手捉住個hold，這時亂了一o下，立即低身直手在一個細hold上轉手，"阿"又俾我轉到，不過已經浪費了我很多體力，手仔有d軟，雙腳有d震，之後我伸出左手去下個hold時，捉到時左腳突然鬆腳，fall左！


"九菜"，竟然鬆腳，仲有好高先到頂，今次實無得入決賽！真係屎~~ 仲話一個星期爬幾多日咁大把xyz!

瑪利亞同我講都唔明點解我會爬得咁差，同我平時一ｄ都唔似，而且係我之前出場既賽手大多數都爬得高過我！我心裡一涼，都知今次衰硬。 之後都無mood睇餘下賽事，就走去場館Canteen飲吓野吹水一番，同埋等公佈成績！心裡尚存一絲希望，可以入到決賽。

11:30，終於有成績，有16人可以入決賽，而我係排第12！嘩，咁都得，真係超Lucky，如果唔係有幾名選手無到加上有幾名選手俾裁判Foulｏ左，以我兩咁差既水準，一定提早返歸！謝天謝地～～～

原定1:30決賽正式開始，但唔知點解遲遲都未開始觀線，直至3:15才叫我們一眾選手去場。 觀線時發覺條比賽線勁難(後尾得知，基本上這是一條公開組比賽線道，只不過換了幾個holds)，雖然大會可以俾選手任用牆上所有holds同feature，但因為沒有固定線道供我們照爬，所以有幾條路線都可以爬到上去頂，不過難度不一，很難取捨！ 觀線有6分鐘，但對我黎講真係無咩用，第一次遇到咁既情況！不過點都好，燒賣就燒賣，頂硬上！

我一出場，就決定要以輕快的速度向上爬，唔會好似上晝咁猶豫不決，嘩，我特然出手出奇暢順，雙腳落點準確，好有大將之風！當我爬到第三板時，突然聽到下面有把聲傳到我耳邊"612 停！落返黎"。

"阿".......!?@#$ 今次又做錯o左咩事，點解裁判又foul我，點解又係我，Tell me why ? 原夾我隻左腳踩住一個"bolt"！事後諗番，當時我以為踩住個靚hold仲好好踩架，估唔到係bolt！ 真係小炳，同上次比賽一模一樣，係我仲有大把力氣同順利情況下，竟然俾裁判DQ(disqualify)，心有不甘！

最後，我仲俾"某人"專稱為 ~~"DQ王"~~ 你話我係咪一個好慘既小孩子!!!!!

香港運動攀登公開賽 (17.07.04)

7月17日 多雲有雨 颱風過後，天氣依然不大理想，時有大雨。心裡擔憂著星期日比賽會否因天雨關係而取消。因為再下一個星期我約齊腳去東龍島玩我第一次既戶外攀天然岩壁，我唔想miss。 好好彩，有一位要好的朋友仔，溜夜送給我一個晴天公仔，我立即把公仔掛在書房窗前，希望第二日唔好落雨。"阿"真係work，星期日又熱又曬，隻眼都打唔開！