話咁快就到~~

仲有半天工作，明天一早就出發，去人間天堂krabi，盡情享受大自然，不理世事，只有吃喝玩樂！

由最初兩個多月前未報團，到而家只剩一天就要出發，感覺時間過得著實太快，要把握有限人生，活得多姿多采~~

祝大家有個超愉快假期！

期待

再過兩day就可以離開香港，跳進大自然，完完全全忘記所有枱頭工作！

南丫島

22.4.06 風和日麗的星期六，今晚 Peter 請食飯，去南丫島食海鮮，嘩，食餐勁既~~

上晝返完工，下晝冇嘢做，又未夠鐘去食海鮮，
咁梗係去kp爬石啦，今次只有我同瑪利亞兩條人，
事關就快去krabi，所以都無謂玩d難線，費事整親，其實已經整親膞頭，嗚嗚....

所以一去到就問狗仔借tape set線俾瑪利亞玩，
咁知，狗仔話用晒，唔係嘛，用晒？
之前我見仲有好多紅色tape喎，
唔通係samy收埋咗？唔俾我tape滿佢幅牆？
其實我都好就住set嫁，我都只係在c牆玩吓啫，唔好少氣啦~~

雖然無tape，但我都冇放棄，環保d，用番d舊tape。
今次我搣咗s板條線，在r板再set過，用番d舊tape都okay喎，唔好浪費！
之前除了條5號6c+係佢onsight唔到，其餘既線對佢完全冇問題，onsight晒。
所以我今後會增加難度，等佢要出盡全力先可以緊緊onsight到！

我今次用多咗手指hold，當自己set線時有d move都覺得幾難，揸住d 手指hold or open hand hold 去下一個遠hold等。

Set 完之後自己top-rope首先試玩，我唔記得咗係一個crux位要上高d隻腳，所以摩唔到下個大hold，嘩，難呀~~

之後到瑪利亞玩，對佢黎講條線總共有2個crux位。
去到d crux位時，佢開初都以為無可能過到，但經過佢努力不懈，
終於過晒crux位到頂，試線員話呢條值6b+~~

爬到4點去了ms買backpack，之後入南丫島食飯，有石班、龍蝦、肉蟹、聖子、賴尿蝦….

多謝彼得！

6c or 6c+

復活節四日假期，我梗係搵日去kp爬石啦，
14.4.06第一天假期，食完晏一點左右去到kp，
嘩！正呀！無人爬石，石牆我霸晒~~
今日只有我同瑪利亞兩條人爬石，其他人各有節目，
但最開心就係見到有兩條繩掛住係幅牆度，任我地玩！

我set咗多咗兩條線，一條係w起步，有女仔hold，都有6a嫁，而唔用女仔hold就更難，我估有6b，因為有兩holds係相距超遠，仲要接手指hold~~

之前係p板既線已經係我搣咗，所以今次我又係p板set條難線係男仔爬，幾經修改，終於完全，而自己最後因為爬咗成7轉，所以唔夠力一次過lead晒成條線，而且有d位都幾驚架~~
所以我覺得呢條線lead的話應該有6c或6c+，不過都係等多d人試完才作準！
但我自己就幾喜歡呢條線，好玩，力呀~~

4米

上回講到我參加了MU男子公開組比賽，
3月9日星期日，一朝早去到石硤尾比賽場地，
見番D熟口熟面既爬石人，今年公開組得10人報名，9人出席，小弟排中間，
705號賽員，觀線時都覺得可以應付得來，至少可以爬到中段。
一出場，拿拿林就爬咗上牆，入了兩個扣，然後右手一伸，哎呀，錯手~~
雖然係個大hold，但唔知點解冼手，就係咁“玩完”
淪落至第九名，即包尾，都係第一次！不過，我唔會灰心，比賽是我爬石的一陪份，我唔會咁輕易放棄~~

真的受傷了

哎呀~~
整親，星期二晚爬石時整親右邊膞頭，而家仲好鬼痛，閉家伙！
希望趕得及星期日比賽前好番啦，如果唔係就要讓半臂！
今次得10個人報名參加公開組，我排中間第五個出場，
加油呀！石磨男~~

又on-sight喇

昨天阿華set咗條線係N板，要出ceiling，因為要set條開心線俾女子組玩，所以阿華都貼咗幾多hold，而且仲有女仔專用hold，好細心哦！

但當他花了一小時set完條線後，我同瑪利亞不約而同地說一句“貼晒成幅喇，實俾samy鬧鬼”！場面何其壯觀~~

呢條阿華既處女線，要由N板一路上到I板，中間總共有成4塊板咁多，都幾難set。

我地第一時間搵到久休復出既elaine姐首先試線，可能她出ceiling經驗尚淺，只差一丁點就可以過到ceiling，但個move就做得好靚，好有高手影子，ten咗一嘢之後，她就去到overhead位，因為她之前剛剛爬完d線，體力未完全恢復，所以未能一次上到頂點，當她爬完落地時都同定線員講有d hold都冇用過，可以搣咗去！

之後就輪到KP女子首席試線員“瑪利亞 ”為阿華條線評定grading。因為要出ceiling關係，女首試出場時比較緊張，喃喃自語.....xyz

其實呢條線又點會難到佢吖？佢好輕鬆就去到出ceiling位置，小心翼翼伸盡左手，揸到圓形大波波手hold，之後推腰向上做好水平衡，右手踏住灰色淺淺hold，再交叉手左手捉住最遠手抽，然後立即收右腳heel hook番第一個波波，同一時間左腳踢向ceiling底腳hold，定一定神，驚為天人，heel hook發力，全身肌肉收緊75%，以二十二重天功力，伸高右手三隻手指仔直插入1米上方藍色手指hold，嘩，勁呀！

瑪利亞出ceiling時果股攝人“味”力，及無比暢順程度，簡直尤如男子組7a華等級數！她施展驚人柔軟度併合前臂locking力度，已經過了ceiling~~

之後瑪利亞在skip hold情況下top到上頂，成功on-sight第二條線！

所有女子組組員，你地要努力呀，未來仲有好多條線等住你地去on-sight架~~

講番條線，到我地走時已經面目全非，因為俾我地搣晒多餘hold。