新紀錄

上星期日全體泰北抱石團團友雲集荃灣下花山作出發前首次練習，由於現時日頭仲係曬到死，所以我地下晝2點先起步行上山，都應該有2年冇去過荃灣抱石。 日頭仍然好曬，山路仍舊好斜，孭住張crash pad上山減肥~~ Perry 帶我地來到 "Tip off Boulder"地區，首先大家齊來熱身V2，應真有heart一黎就整條V2。 之後 Perry 推介了一條V6 "Little women" 俾我試，on-sight 果次花了很大力氣在搵手點，除了起步有大手腳點外，其餘均是篤窿細 hold，由於整幅牆都未有前人留下粉位，所以要靠自己搵hold，亦都因為咁，我又試左2次才可以比較清晰知道下半段路線既手腳點，這樣才有機會爬上去搵埋上半部份的點位。 第4次試攀，順利記得下半段的所有點位及成功篤住關鍵既左手食指單指窿，之後做腳右手往上伸去搵手點，之前也曾到過這位置，但由於搵不到任何點位，所以fall左。今次我再往上探，終於俾我摩到一個好似放得入一隻手指既窿，但並不是一下子便搵到好握既位置，所以我在這點位磨了一會，而左手仍舊靠著一指窿支撐住，並有少許因平衡問題而出現驚險場面，但最終都俾我右手食指前截頂到個好位，我就馬上上左腳，並伸出左手往左45度角方向搜尋，一踏再踏，要再第三下先俾我揸到靚爆hold，YEAH...V6 謝謝係山腳做保護既團友，人生第一條天然場V6！ 之後我地去左山頂附近玩一條令人期待既V4，係一條專為女士而設既V4線道，起步手指很低，又唔好揸，對長人有一定難度，所以線主就俾了V4難度。 早一陣子，boulderland 有位女子就係爬到呢V4而升呢。maria 亦要測試下該線道虛實，所以她便一馬當先攀爬，她很仔細研究可揸手指及腳位，最後她分伸雙腳，小手點支撐，千鈞一髮伸出左手踏個平hold，之後雙腿用力勁lock，再伸出右手去下一個小窩位，然後側身移去下一個大手點，YEAH，on-sight V4，成功！ 今次大家都有唔錯成績，回家的路仍舊很辛苦，45度角下坡路後，雙膝大腿打柴，大休數天。 下一練習地點返回我主場“屯門”.....