400 個 move....

昨晚是剛從陽朔回來首次boulder，由於當天是12月30日，亦係星期五，我老細又請左病假，所以可以下晝5點鐘就放工，係呢一年來首次！

我5點半就去到boulder場，那裡只有老闆+佢一名學生，我係A牆爬NUMBER線，每次40隻HOLD，斷斷續續玩到9點幾，最終玩左400個MOVE，兩條前臂PUMP到肌內痛。

之後痛住玩老闆新SET既V2樓下6條線，
嘩！雙臂脹住&痛住都ON-SIGHT到！

為了練習前臂耐力，希望可以抽多點時間練習OPEN HAND NUMBER 線~~

昨晚瑪利亞讚我背肌勁左.....

從陽朔回來了~~

剛過去的聖誕節在陽朔渡過，陽朔氣溫沒有想像中低，四天爬石中有些中午時間可以赤膊攀爬，但入夜晚後就馬上轉凍，好在我們帶夠禦寒衣物。

爬石方面，我們首半天去了雞蛋山作熱身，我爬了兩條線道，其中一條是7b+左右，超難逐步dot上去，但好好玩，而且唔使怕收唔到扣，因為有前人留晒扣，收繩走佬好方便！

第二、三、四日均是去白山，samy、九教練等13人亦都在呢段時間到陽朔，他們每天都在白山煲線，很熱鬧。
白山首天我red point了一條7a+﹝合共爬了3次﹞、第二天我red point了一條7b+﹝合共爬了4次﹞、第三天red point 了另一條7b+叫“phoenix”﹝三次搞掂﹞。其後再試過7c & 7c+兩條線，但7c level與7b+難度相距很大，我完全玩唔到，個crux超出我能力以外！我要花更多心血才能升grade~~

上年復活節都有去過陽朔，當時在白山未能搞掂任何一條7字頭線，但今年有明顯進步，可能係今年出發前有玩boulder關係。

爬石中有一則小插曲，就係辛教練在一次大fall時左腳踝撞向石牆時扭傷，經samy包紮後由我們四人組護送他回酒店，其後幾經波節下才能替他訂購到一雙柺杖﹝人仔70蚊，超抵﹞方便行動，最後他要提早一天回香港。

原來聖誕節是陽朔淡季，不論爬石人或遊人都不多。
西街風情不再，商店所出售的東西都是大同小異，沒有特色手信可以買得落手。至於街頭小吃﹝串燒﹞就完全見不到蹤影。

整體而言，今次短短四天行程玩得好開心，每次離開香港出外爬石真的樂而忘返！

聖誕陽朔爬石之旅

今年將會試下聖誕節係陽朔爬石會有幾凍~~