多節攀登

終於在2006年1月21日，亦即係在我31歲生日前完成了multi-pitch 課程！
當晚我地個個都好勤力，盡量把握每一分每一秒，不停係咁轉 pitch，有串燒三兄弟，有連轉三次pitch，及學咗好多新嘢，六小時上課時間真的過得很快，不停站係咁爬~~
期待出大山爬 multi，唔知真實環境下仲記唔記學咗d嘢呢？

Karbi 2006

農曆新年就快到，而一班爬石朋友仔趁假期結伴同遊泰國，去爬石天堂krabi！
有d一去就兩星期，我都好想去relax吓，無休無慮，只有爬石同食飯，我鍾意呀~

今年YMCA都好似話會四月尾搞去krabi，我都有興趣再跟samy去爬石，今次我地已經學咗multi-pitch，可以去大顯身手，轉pitch轉pitch，應該幾好玩！

如果真的成團，即係話我仲有三個月就可以放一個悠長假期，去red番 lion king先！

大病初癒

尋晚係我久休復出，大病初癒，首次爬石，
因為瑪利亞要開 OT，所以只有我同 Amyme 爬，
六點半左右去到KPCC，一上樓梯就見到石牆未開燈，
吓，唔係麻，無人爬石，Amy 仲未到，咁咪悶死我！
我拿拿聲走去 Samy office 外，叫佢一齊出黎爬石，
佢以例牌笑容，係咁搖頭，示意我食自己！
oh，no.... >_<

好彩，係黑暗中俾我搵到一個熟悉面孔，“二指引體王”→大華
我立即捉住佢，問佢係咪爬，佢話約咗兩個朋友仔一齊爬，
我個心仔都定d，無咁悶麻~~

其實Amy 姐都好快就到，未夠七點我地己經開波爬，
而陸續都有人到達，有騎雲氏，阿星氏，小九氏，琨師傅等...

首先我雜lead 咗 C 牆 W 板俾 Amy爬條綠色，無見佢爬一輪，
佢進步咗好多，無論耐力，指力，平衡都叻咗，
不過記性同我一樣咁差， 時常唔記得 d 腳位同 move！
佢差少少就top到，下次努力啦~~

之後到我爬 T 板角落頭紅色線，之前都有爬過好幾次，條線理應係6b左近，
但唔可以bridging 所以增加了難度，而我又懶勁無錢剩咁，唔揸feature，
所以爬了好幾次都係係 8m 以下既手指hold 位置 fall 咗！

唔知係咪休息咗一輪，叉足電，身體對爬石的感覺又大有進境！
爬吓爬吓，又okay喎，唔算太輕鬆，但無夾硬黎，咁就爬過咗 8m既 face！
之後小心向上爬，最終top到上頂，利害呀~~

小休了一會，就爬第二條，今次都係T板，
不過就爬一條之前完全冇爬過既近角位灰色線，
都唔知點解黎咗KPCC 咁耐都未爬呢條線，大約都係6b左右，奇，唔通有d嘢？

果然係有d 嘢，就係留番卑我而家黎on-sight，yeah~~
top-rope 輕輕鬆鬆鄧梓峰！

之後唔玩C牆，轉去LEAD D，可能天氣潮濕，到頂時，差點兒滑手！

最後搞咗條D 板紅tape，7b+，初段都okay，中間10m開始揸力，
尾段ceiling位過唔到~~
我都要繼續努力，無嘢係唔得既！

爬得咁辛苦，梗係要食好d，而且我腸胃又好番好多，
我地三人一齊去咗“飽搞店”叫餸食飯，
食咗個美味無窮南翔小龍飽，正呀~~

瘦男13號

石磨男終於病倒了~~

鞋~~~
新的一年，應該是新的開始，但點知一踏入2006年，我就病鬼咗，而且今次仲睇咗兩次醫生咁多，又係腸胃炎，應該係一月一日去耕田時著涼，之係仲打埋邊爐，食到勁飽~~
都差不多有兩個星期係處於人生低潮期，感到人類渺小同無助....
希望黑夜快點離開，可使我從爬石找到人生曙光！