第一次爬石冠軍

尋晚去了參加一個小型爬石比賽！

好開心，因為我終於贏得我人生第一次爬石冠軍！

昨天工作比較輕鬆，只是整天在外跑來跑去。 因為要上門查案關係，我和同事一早離開公司， 去了慈雲山某公屋拍門尋仇， 哈哈，竟然俾佢快我地一步離開左單位， 我地只好去飲早茶同食晏，嘆份報紙， 等佢返歸，一坐就成點鐘。

我地再次登門拜訪，但不得要領，無人在家！ 只好找個地方再等等。

夏日炎炎，梗係去有冷氣既地方啦， 所以我地揀左去hollywood plaza，睇番場兩點2， “謊失失奇兵” 嘩，果真係放緊暑假，我地俾一大班小朋友圍住， 感覺都年青左！ 睇預告時發現黎緊有好多卡通片會上， 套套都好似幾好咁，有d都有興趣入戲院睇！ 但最期待的，當然係拳霸2tony jaa 啦， 今次又約埋一大班跆友去睇！

睇完戲，又係時候搵下個客仔， 但始終冇人係屋企， 只好去食個tea ，西多事凍O茶~~ 之後慢慢地返公司hea 下，等放工！

六點三左右，離開公司去油塘，早少少食晚飯， 因為個比賽八點開始，玩到成十點幾。 可以因為賽前例牌緊張，所以肚痛，瀉左一野， 不過我呢幾天既腸胃都唔多好， 食完無幾耐，就肚子痛！ 都係時候食返清淡d先得喇！

八點未夠已經到左比賽場地， 見到教練正在set 線，有幾多選手經已準備就緒， 隨時黎料，要爆~~

我都不甘後人，一展在下既麒麟臂，田雞腿！ 登時吸引到在場眾多妙齡少女注足圍觀， 使她們心癢難耐！ 我是第二個選手出場， 觀線時發現今次比賽線都okay， 無咩crux 位，全長約十二、三米， 比kp 矮好多，而且係直牆，無ceiling。

因為係男女子同場競技，所以有幾多大hold可以用， 我一路向上爬，都無遇見太大阻力，top 左上頂！ 以我現時能力，on-sight到既線， 應該只有6a左近，不過我都好開心， 事關這是我第一次比賽時top 到上頂！ 感覺不錯....很喜歡 ^_^

幸運地得我一條人top 到頂，所以得到冠軍， 而我朋友仔騎雲因為在很早期時， 隻眼咪得太緊要，所以睇漏左一個大hold， 浪費了不少氣力，在最後一個crux 位時乏力fall左， 不過，佢都去到尾二塊板，最終取得第三名，叻女！ 佢逢比賽必有名次，勁呀！

比賽獎品係該會任玩月票一張！

我喜歡比賽，希望多d人陪我一齊玩~~