Sikhiu Bouldering Festivial 18-19.1.14

明天出發泰國參加當地戶外抱石節2014. 香港同澳門都有代表出席，合共5條人，碰巧遇上泰國反政府示威活動，氣氛異常緊張，希望可以出入平安，紅衫軍/返政軍都唔好搞機場及其他公路~~

GoNature Boulding Game - 14.7.13

上星期日去左GoNature玩比賽，初賽四小時內任玩30條線,每組完攀最多條線的頭6名入決賽，我當然是初級組啦~~ 好好彩俾我同華華入到決賽，決賽方式是沿用正規賽例，共有4條線。 最後我TOP左兩條，成績得第四名，需要加大力度訓練才有更好成績！

KL Again

嘩！呢排工作實在太忙,由印度回來一直忙到而家，冇時間寫下日記！ 印度抱石後，去過深圳抱石、玩過MU抱石賽、去過上海八萬人體育館參觀一個室內攀岩場、仲去埋澳門新抱石場！ 係咪好豐富呢？咁咪就係好忙囉~~ 黎緊5月中約左朋友仔一齊去KL爬石+HEA！

Hampi 我來也~~

話咁快仲有5天就去印度抱石，超期待，我要放假、我要爬石、我要離開香港~~~~~

新紀錄 II

昨天是Boxing Day，原先約好左Perry帶我和Maria去蓮花山抱石，但由於前一天開完趴地，加上爬完石後第二朝要返工,減低 Maria 離開張床既意欲，所以佢臨時縮沙，我只好獨個兒開車去接Perry，兩條人上山。 今次我地選擇了開車到大帽山郊野公園，泊車在路邊後就行去第一個抱石場，沿路都係石屎路，雖然無由荃灣行梯級上山咁甘，但都有上下坡段，而且都幾遠下，我地最終要行左1粒鐘才到埗。一黎到就熱身on-sight左條V4，之後on-sight另一條V2，然後Red左條V6，呢條線大約試左10次左右，主要係左手踏住個平hold，然後右腳抽起high step右邊高腳點﹝超冼﹞，one-point後伸盡右手去頭頂一個淺hold繼而再右手Dup多下去一個超靚冬菇hold。 之前咁多次都係死係個淺hold，最後成功果次我直接扯去冬菇就俾我搞定，早知就唔鬼用中間隻爛hold啦，我都hold唔住~~之後我地去下個site “Split Boulder”，那裡有其他抱石朋友已經玩緊，Perry介紹了一條V7叫“Jaws”既線道俾我，要Sit-down-start，主要係細手點去超遠平台位。我一起手已經對呢條線既細hold幾有feel，可以manage得到，只是右手第2個細hold比較咬手指，試第2次attempt時已經找到適合自己既攀爬方法，然後儲一陣力就作第3次嘗試。 首先左手做個Side-pull，右手只係踏住個平hold，坐低後右腳用力抽高個人及做一個大側身伸出右手咪實關鍵咬人hold，之後左腳前端上高少少踏住一個突出石頭仔，然後重心移到左腳上，伸出左手到左側上方一隻靚菇，平衡好後左手再移高向頭頂一個踏踏超淺hold，最後以青蛙式向上登腿雙腳跳起，左手再扯上1米以上既平台位，凌空左手踏住平台而右手繼續死命hold實，身體在劇烈擺動時瞬間左前踩牆定住個人，右手踏埋上平台就俾我輕鬆登頂，Red point左條V7線道，亦都係我既新紀錄。

受傷

前日開操時示範踢下壓時拉傷右大腿後肌肉，超痛，真唔抵，搞到要休息一周冇得練習爬石....

好玩